Иш-чара жаштар арасында радикалдашууга каршы профилактикага арналган.
Бишкекте, «Сейтек» Улуттук балдар жана жаштар борборунда «Жаштар экстремизмге каршы» аталышындагы форум өттү, бул тууралуу шаардык Ички иштер башкармалыгынын маалымат кызматы билдирди.
Форумдун максаты жаштар арасында радикалдашууга жол бербөө, ошондой эле тынчтык, толеранттуулук жана жарандык жоопкерчилик баалуулуктарын жайылтуу болду.
Иш-чаранын катышуучуларынын арасында ар түрдүү мамлекеттик структуралардын, дин кызматкерлеринин, спорттук уюмдардын, жаштар бирикмелеринин өкүлдөрү жана борбордун мектептеринин улук класстарынын окуучулары болду.
Иш-чарада Бишкек шаарынын Ички иштер башкармалыгынын начальниги Азамат Токтоналиев жаштар менен профилактикалык иштердин маанисине көңүл буруп, жаш муун тынчтыкты жана коомдогу туруктуулукту камсыздоодо чечүүчү роль ойной турганын баса белгиледи.
Форумдун спикерлери жаштарды руханий-ахлактык баалуулуктарга, коомдук жашоого активдүү катышууга жана деструктивдүү идеологияларга альтернатива катары дене тарбиясына көңүл бурууга чакырышты.
