Кыргыз Республикасынын Билим берүү министрлигинде «Мектеп тамактануусу» жаңы модулунун тестирлөөсү «Э-Күндөлүк» автоматташтырылган маалыматтык системасынын алкагында өткөрүлдү. Тийиштүү маалыматты аталган ведомствонун басма сөз кызматы берди.
Лира Самыкбаева баштаган цифралдык технологиялар боюнча билим берүү министринин орун басарынын жетекчилигинде өткөн жыйында «Улут Софт» компаниясынын өкүлдөрү, Россиянын тармактык тамактануу институтунун (SIFI) адистери, ошондой эле Т.Молдо атындагы интернат мектеп №71 жана Бишкек шаарындагы №64 жалпы билим берүү мектебинин тамактануу уюштуруучулары, Октябрь районунун билим берүү башкармалыгынын тамактануу бөлүмүнүн кызматкерлери катышты.
Жыйындын жүрүшүндө «Мектеп тамактануусу» жаңы модулунун функционалдык мүмкүнчүлүктөрү талкууланды, ошондой эле билим берүү мекемелеринде анын колдонулушун жеңилдетүү жана системаны реалдуу муктаждыктарды эске алуу менен жакшыртуу боюнча идеялар сунушталды. Иш-чаранын катышуучулары мектеп тамактануусунун цифралдаштырылышы билим берүү системасын модернизациялоодо негизги кадам экенин белгилешти.
««Мектеп тамактануусу» модулунун киргизилиши мектептерде тамактанууну эффективдүү пландоону, эсепке алууну жана контролдоону камсыздайт, ошондой эле процесстин ачыктыгын жогорулатат. Цифралдык инструменттер мектеп кызматкерлеринин административдик жүгүн азайтууга жана балдардын сапаттуу жана коопсуз тамактануусу үчүн шарттарды түзүүгө жардам берет. Ошондуктан, система билим берүү мекемелеринин практикалык талаптарын эске алуу менен иштелип чыгышы маанилүү», - деп баса белгиледи Лира Самыкбаева. ```
