Кыргыз Республикасында өлкөнүн Шанхай кызматташтык уюмундагы төрагалыгын чагылдырган расмий интернет-ресурс ишке кирди. Бул тууралуу Кыргызстандын Тышкы иштер министрлигинин басма сөз кызматы маалымдады.
Сайт ШОСко катышкан өлкөлөр жана кеңири аудитория үчүн өткөрүлүп жаткан иш-чаралар, маанилүү окуялар жана демилгелер тууралуу актуалдуу маалыматтарды камсыздоо максатында түзүлгөн.
Ресурста төрагалык ишмердүүлүгү тууралуу маалыматтар ыкчам жаңыртылып, ошондой эле маанилүү материалдар жана жакында боло турган жолугушуулар тууралуу анонстар жайгаштырылат.
Сайтка төмөнкү шилтеме аркылуу кирүүгө болот: https://egov.kg/ru/SCO/108
