Администрациянын маалыматына ылайык, бул иштерди аткаруу үчүн атайын техника тартылган, ал эми тиешелүү кызматтар дарыянын жээгинде жана агымында топтолгон таштандыны чыгаруу менен алектенишет.
Шаар башчысы Жанарбек Акаев дарыянын жээгин тазалоо жана айлана-чөйрөнүн тазалыгын сактоо сел каптоолорунун алдын алууда маанилүү экенин белгиледи. Бул боюнча ал кызматтарга жээгин жана дарыянын ички бөлүгүн тазалоону уюштурууну тапшырды. Мындан тышкары, шаар башчысы жергиликтүү тургундарды экологияны коргоо, жашылдандыруу жана тазалык маданиятын калыптандырууда активдүү катышууга чакырды», — деп айтылат расмий билдирүүдө.
