Мэриянын маалыматына ылайык, тазалоо иштерин жүргүзүү үчүн атайын техника тартылган, ал эми кызматтар жээгинен топтолгон таштандыны чыгаруу жана дарыянын агымын кеңейтүү менен алектенүүдө.
Мэр Жанарбек Акаев жээктерди жана дарыянын ички бөлүгүн тазалоо сел каптоолорунун алдын алууда критикалык мааниге ээ экенин белгиледи. Ал тиешелүү кызматтарга тазалоо иштерин активдештирүүнү тапшырды жана жарандарды экологияны коргоо, жашылдандыруу жана тазалык маданиятын калыптандырууга катышууга чакырды, деп айтылат расмий билдирүүдө.
