Оюндарга 2800дөн ашык спортчу катышат деп күтүлүүдө
VI Дүйнөлүк кочмондор оюндарына (ДКО) 100дөн ашык өлкө чакырылды. Бул тууралуу Мамлекеттик физкультура жана спорт агенттигинин директору Урмат Асанбаев Жогорку Кеңештин илим, билим, инновациялык өнүгүү, маалыматтык технологиялар, маданият, спорт жана иштер боюнча комитетинин жыйынында билдирди.
Анын айтымында, бул мелдештерге 2800дөн ашык спортчу катышат деп күтүлүүдө.
Оюндардын программасына 43 спорт түрү киргизилген, алар буга чейин бекитилген.
Мелдештер Ысык-Көл облусундагы төрт аянтта өтөт.
Тактап айтканда, Газпром спорттук комплексинде ар кандай күрөш түрлөрү боюнча мелдештер өтөт, ал эми улуттук ат оюндары Чолпон-Атадагы ипподромдо пландалган.
Ошондой эле спорттук иш-чаралар Кырчын жайлоосунда, ал эми интеллектуалдык оюндар Евразия мейманканасында өтөт.
Эскерте кетсек, VI Дүйнөлүк кочмондор оюндары 31-августтан 6-сентябрга чейин Кыргызстанда өтөт.
