8-мартта Бишкек - Нарын - Торугарт трассасынын Жаны-Жол участогунда тоо тектеринин кулашы болду. Бул тууралуу Кыргыз Республикасынын Транспорт жана байланыш министрлиги маалымдады.
Таштардын кулашынын натыйжасында унаалардын кыймылы убактылуу токтотулду. Жол эксплуатациялоо ишканасынын (ЖЭИ) №41 адистери окуя болгон жерде иштеп, жолду тазалоо боюнча чараларды көрүүдө.
Алдын ала маалыматтар боюнча, эч ким жабыркаган жок. Кошумча маалыматтар кийинчерээк берилет.
