Кыргыз Республикасынын Эсеп палатасы 2024-жылга карата Эмгек, социалдык камсыздоо жана миграция министрлигинин жана анын структуралык бөлүмдөрүнүн бюджетинин аткарылышын текшерди. Аудитордук текшерүү 2024-жылдын 1-январынан 31-декабрына чейинки убакытты камтып, бюджеттик каражаттарды пайдаланууда мыйзамдардын сакталышын баалоого, ошондой эле финансылык дисциплинаны жана бухгалтердик эсептин тууралыгын талдоого багытталган.
Текшерүүнүн натыйжасында финансылык мыйзам бузуулар жана кемчиликтер аныкталды, бул учурдагы мыйзамдардын бир катар нормаларын сактабаганын көрсөттү. Аныкталган мыйзам бузуулардын жалпы суммасы 36 млн 560,3 миң сомду түздү, анын ичинен 11 млн 225,4 миң сом бухгалтердик эсептеги каталар менен байланыштуу. Аудит учурунда кабыл алынган чаралардын натыйжасында 2 млн 12,4 миң сомду калыбына келтирүүгө жетишилди.
Текшерүү учурунда эсеп жүргүзүү эрежелери сакталбаган учурлар, негизги каражаттарды эсепке алуу боюнча мыйзам бузуулар жана бухгалтердик балансында айрым материалдык баалуулуктар көрсөтүлбөгөн учурлар аныкталды. Мындан тышкары, мамлекеттик жөлөк пулдарды дайындоо жана төлөөдө мыйзам бузуулар, ошондой эле бюджеттик ресурстарды натыйжасыз пайдалануу фактылары аныкталды. Аудит учурунда белгиленген кемчиликтерди жоюу үчүн бухгалтердик эсепте оңдолду.
Аудитордук текшерүүнүн жыйынтыгы боюнча аныкталган мыйзам бузууларды жоюу, финансылык дисциплинаны жогорулатуу жана бюджеттик каражаттарды пайдалануунун натыйжалуулугун арттыруу үчүн сунуштар берилди.
Сүрөт www
