Аудиттин негизги жыйынтыктары:
- Нормативдик документтерде материалдык-техникалык базаны бекемдөө боюнча максаттардын болушуна карабастан, Өнүктүрүү фондунун каражаттары өтө натыйжасыз пайдаланылган. 2023-жылы бул багытка болгону 378,2 миң сом (жалпы чыгымдардын 1,33 %) жумшалган, ал эми 2024-жылы — бар болгону 410 миң сом (0,81 %);
- Бюджеттик каражаттын маанилүү бөлүгү кызматкерлерди сыйлоо жана майрамдык даталарга каралган коллективдик келишим боюнча социалдык төлөмдөргө жумшалган. Аудиттин жүрүшүндө бир айдын ичинде бир эле кызматкерге бир нече жолу сыйлык берүү учурлары катталган;
- Бухгалтердик эсеп жана ички көзөмөлдө бузуулар аныкталды. Негизги каражаттарды 1,5 млн сомго эсептен чыгарууда документтерди толтуруу эрежелери сакталбай, техникалык экспертизанын актылары жана утилдештирүү же сатуу боюнча ырастоолор жок болгон;
- Жанармай-майлоочу материалдарды сатып алууда Кыргыз Республикасынын "Мамлекеттик сатып алуулар жөнүндө" мыйзамынын айрым пункттары бузулган;
- Региондордо жайгашкан имараттарды ижарага алуу үчүн бөлүнгөн 1,7 млн сомдук бюджеттик каражаттар натыйжасыз пайдаланылган. Ошондой эле мамлекеттик мүлктү акысыз алуу үчүн чаралар көрүлгөн эмес.
