Агенттиктин орун басары Мээримбек Койчуманов бул иш-чарада болду. Келишим эки компания менен кол коюлду: ОсОО «Солар Системс» жана ОсОО «АСТ Империал».
Кочкор районунун Ак-Кудук айылында ишке ашырылуучу долбоор 325 МВт кубаттуулуктагы күн энергиясын өндүрүүчү станцияны орнотууну пландаштырууда. Жалпы инвестициянын суммасы болжол менен $200 миллионду түзөт.
Бул келишимдин кол коюлушу долбоорду ийгиликтүү ишке ашырууда маанилүү этап болуп эсептелинет. Ал инвесторлор үчүн туруктуу жана алдын ала болжолдонгон шарттарды түзүүгө, ошондой эле инвестициялык долбоорду ишке ашыруу мезгилинде укуктук жана экономикалык климаттын туруктуулугун колдоого багытталган.
Бул долбоордун ишке ашырылышы өлкөнүн энергетикалык балансында жаңылануучу энергия булактарынын үлүшүнүн жогорулашына алып келет, бул Кыргыз Республикасынын энергетикалык коопсуздугун бекемдөөгө жана экологиялык жактан таза жана туруктуу энергетиканы өнүктүрүүгө олуттуу салым кошот.
Мындан тышкары, күн энергиясын өндүрүүчү станциянын курулушу региондун социалдык-экономикалык өнүгүүсүнө оң таасирин тийгизет, курулуш этаптарында жана эксплуатация процессинде жаңы жумуш орундарын түзүү менен, ошондой эле Нарын облусуна кошумча инвестицияларды тартууга көмөктөшөт.
