Ведомствонун маалыматына ылайык, 26-январда М.К.К. үй-бүлөсү менен Түркияга учуп кетүүнү пландаштырган, бирок Чек ара кызматынын кызматкерлери аны чыгууга өткөрбөй коюшкан.
Расмий билдирүүдө такталгандай: «Жаранга мурда 1000 сомдук айыппул салынып, ал төлөнгөн, жана бул иш боюнча чектөө алынып салынган. Бирок анын жубайы О.Ж.га Свердлов райондук сотунун чечими менен салык органдарына 1 миллион 320 миң 398 сомдук карызынан улам чыгууга убактылуу чектөө коюлган. Ошентип, чыгууга уруксат берилбеген себеп 1000 сомдук айыппулдун болушу эмес, жубайынын ири салык карызына байланыштуу күчүндө турган соттук чектөө болуп саналат».
Сот аткаруучуларынын кызматы жарандарга чет өлкөгө сапар пландаштырганга чейин расмий сайтта карыздардын бар-жогун текшерүүнү катуу сунуштайт.
