Жәрмеңке айыл чарба өндүрүүчүлөрдү, фермерлерди, ишкерлерди жана адистерди бир платформада чогултуп, агрардык сектордогу жаңы мүмкүнчүлүктөрдү талкуулоого, климатка ылайык инновациялар жана технологияларды илгерилетүүгө, ошондой эле кызматташтыкты өнүктүрүүгө багытталган.
Иш чаранын ачылышына өкмөт башчынын орун басары — суу ресурстары, айыл чарба жана кайра иштетүү өнөр жайы министри Эрлист Акунбеков, шаар жетекчилиги жана шаар тургундары катышты.
Шаар жетекчилиги катышуучуларды жәрмеңкенин башталышы жана Ак калпак күнү менен куттуктады.
Жәрмеңкеде айыл чарба техникалары, заманбап агротехнологиялар, үрөндөр жана көчөттөр, ошондой эле жергиликтүү ишкерлердин продукциясы сунушталууда.
Бар болгон маалыматка ылайык, жәрмеңкеге өлкөнүн ар кайсы региондорунан жана коңшу мамлекеттерден 150дөн ашык ишкер жана фермер катышууда. Жәрмеңке эртең да уланат.
