Ош шаарында «АгроЭкспо-2026» эл аралык агрономиялык көргөзмөсү ачылды, деп билдиришти аймактык өкүлчүлүктөн.
Ачылыш аземине жогорку кызматтагы коноктор катышты, алардын арасында премьер-министрдин орун басары жана суу ресурстары, айыл чарба жана кайра иштетүү өнөр жайы министри Эрлист Акунбеков, Ош облусундагы президенттин ыйгарым укуктуу өкүлү Аманкан Кенжебаев, Ош шаарынын мэри Жанарбек Акаев бар.
Бул иш-чара фермерлерди, айыл чарба өндүрүүчүлөрдү, ишкерлерди жана адистерди бириктирип, агрардык сектордо кызматташуу жана өнүгүү боюнча жаңы жолдорду талкуулоого платформа түзөт.
Көргөзмөнүн катышуучуларына жана конокторуна адистер тарабынан мастер-класстар, сыйлыктарды утуп алуу, лотереялар, ошондой эле жандуу музыка жана көрсөтүүлөр менен маданий иш-чаралар сунушталды.
Көргөзмө-ярмарка эртең, 6-мартка чейин уланат.
