Бул документ 2030-жылга чейин Кыргызстанды өнүктүрүүнүн Улуттук программасын ишке ашыруунун бир бөлүгү болуп саналат, ал президенттин жарлыгы менен бекитилген. Анын максаты — министрликке караштуу инновациялык борбордун ишин колдоо үчүн укуктук базаны түзүү.
Сунушталган долбоор боюнча, келечектеги технологияларды тандоо конкурс негизинде жүргүзүлөт. Ар бир арыз эксперттик баалоого алынат, ал учурда адистер технологиялык даярдык деңгээлин, инновациялык жактарын, практикалык колдонулушун, масштабдоо потенциалын жана долбоорлордун күтүлгөн социалдык-экономикалык таасирин баалашат.
Сунушталган иштеп чыгууларды баалоо үчүн илим, технология, ишкердик жана инновациялар тармагындагы адистерден турган эксперттик комиссия түзүлөт деп пландалууда.
Министрликте жаңы тартип илимий-техникалык жана коммерциялык чөйрөлөрдө жогорку потенциалга ээ долбоорлорду аныктап, колдоого алууга мүмкүндүк берет жана илимий иштеп чыгууларды өлкөнүн экономикасына киргизүүнү тездетет жана прототиптештирүүнү өнүктүрөт деп баса белгилешет.
Мындан тышкары, илимий уюмдар жана жогорку окуу жайларынын патенттик ишмердүүлүгүн активдештирүү жеке инвестицияларды тартууга жана технологиялык ишкердикти өнүктүрүүгө жардам берет деп күтүлүүдө.
Министрликтин республикалык бюджетинде конкурс аркылуу тандалган долбоорлорду каржылоого 2 миллион сомго чейин каражат бөлүү пландаштырылган.
