Курулуш, архитектура жана турак-жай-коммуналдык чарба министрлиги өзүнө 18 кызматтык унаа жана эки атайын жылжымалуу лаборатория алды. Бул маалымат министрликте айтылды.
Техниканы өткөрүп берүү министрлер кабинетинин төрагасы Адылбек Касымалиев тарабынан министрликтин коллегиалдык жыйыны учурунда жүргүзүлдү.
Курулуш министри Нурдан Орунтаев жылжымалуу лабораториялар курулуш материалдарынын сапатын түздөн-түз курулуш жайларында текшерүү үчүн колдонуларын белгиледи. Бул техникалык контролду күчөтүүгө жана бардык коопсуздук нормаларын сактоону камсыз кылууга мүмкүндүк берет.
«Кызматтык унаалар министрликтин структуралык бөлүмдөрүнүн ишинин ылдамдыгын жакшыртууга жана материалдык-техникалык базасын кыйла чыңдоого жардам берет», - деди министр.
