Кыргызстан расмий түрдө 2026-жылга пландалган Freedom Asian Chess Initiatives (FACI) эл аралык программасына кошулду. Бул долбоор, Эл аралык шахмат федерациясы (FIDE) жана Азия шахмат федерациясы тарабынан колдоого алынып, региондогу шахмат инфраструктурасын системалуу жакшыртууга багытталган.
Кыргыз шахмат союзунун маалыматына ылайык, быйыл программага Япония, Түркмөнстан, Пакистан, Непал, Иордания жана Камбоджа да кошулду. FACIге катышуу кыргыз федерациясына машыктыруучуларды жана арбитрлерди окутууга, ошондой эле жыйындарды уюштурууга жана мектептерде шахматты өнүктүрүүгө жардам алууга мүмкүнчүлүк берет.
2025-жылы FACI программасы өзүнүн натыйжалуулугун көрсөтүп, жаш спортчуларга эл аралык турнилерге, анын ичинде кадеттер арасындагы дүйнө чемпионатына катышуу үчүн гранттар берди. Кыргызстандын FACIге кириши эл аралык кызматташтык үчүн жаңы мүмкүнчүлүктөрдү ачып, өлкөдөгү балдар-өспүрүм спортун өнүктүрүүгө көмөктөшөт.
