Петициянын авторлору стадион коомдук менчик экенин, ал жарандардын салык төлөмдөрү менен курулуп, жаңыланганын баса белгилешет.
«Биз, Бишкектин тургундары, стадиондун жөнөкөй жарандар үчүн жабылышына байланыштуу терең тынчсыздануубузду билдиребиз. Бул чектөө биздин спорттук объектилерге кирүү укугубузду бузат, бул чуркоо, спорт менен машыгуу жана дене тарбиялык иш-чараларды өткөрүүнү кыйындатат, ошондой эле балдарды спорттук аянтчаларда тарбиялоону кыйындатат. Стадион коомдун кызыкчылыгына кызмат кылышы керек, анткени анын каржылануы мамлекеттик бюджеттен жүргүзүлгөн. Ага кирүүгө тыюу салуу бизге активдүү жана ден-соолукка пайдалуу жашоо жүргүзүүгө тоскоол болот, бул калктын ден соолугуна жана бакубаттыгына терс таасир этүүсү мүмкүн», — деп жазылат петициянын текстинде.
Шаардыктар жергиликтүү бийликтерге ачык кирүү мүмкүнчүлүгүн берүү же жок дегенде бардык тургундардын кызыкчылыктарын эске алган жөнгө салынган визит графигин киргизүү өтүнүчү менен кайрылышууда.
Инициаторлордун пикири боюнча, пандемия жана стресстин шарттарында жарандардын ден соолугун жана физикалык активдүүлүгүн сактоо өзгөчө мааниге ээ. Стадион ден соолукту чыңдоо, спорт менен машыгуу жана таза абада эс алуу үчүн жай болушу мүмкүн.
Петициянын авторлору спорт менен 6:00дөн 9:00гө жана 18:00дөн 21:00гө чейин машыгуу мүмкүнчүлүгүн күтүшөт.
