Лейлек районунда, Кулунду айылында, 2026-жылдын 3-мартында мамлекеттик чек арадагы коопсуздук маселелерине арналган жумушчу жыйын өттү. Иш-чара Кыргыз Республикасынын Мамлекеттик чек ара кызматынын төрагасы Абдикарим Алимбаевдин жетекчилигинде өттү. Бул тууралуу аталган ведомствонун маалымат кызматы билдирди.
Жыйындын күн тартибинде кыргыз-тажик чек арасындагы инженердик жабдуулар боюнча учурдагы иштер, контрабандага каршы күрөшүү боюнча чаралар жана эл аралык саясий кырдаалды талдоо маселелери талкууланды.
Жыйынга аскердик бөлүктөрдүн жана чек ара бөлүмдөрүнүн жетекчилери, ошондой эле Лейлек районунун акими Женишбек Асылбек жана күч структураларынын жана укук коргоо органдарынын өкүлдөрү катышты.
Жыйындын жыйынтыгында чек араны инженердик жана физикалык коргоону күчөтүү, алдын алуу чараларынын натыйжалуулугун жогорулатуу жана бөлүмдөр ортосунда оперативдик маалымат алмашууну камсыз кылуу боюнча конкреттүү көрсөтмөлөр берилди.
