«Баштапкы учурда бул рейстерге билет алган гана жарандар учушу мүмкүн. Авиакомпаниянын маалыматына ылайык, учак 160 жүргүнчүнү алып жүрүүгө ылайыкташкан, бирок толук жүктөлбөйт. Ирандын жабык аба мейкиндигинин себебинен, учуулар Түркия аркылуу аралык токтоосуз жүргүзүлөт. Маршруттун узартылгандыгы жана отун чыгымдарына байланыштуу, учакты ашыкча жүктөбөө үчүн болжол менен 100 жүргүнчүнү алууга пландаштыруудабыз», - деди элчи.
Мындан тышкары, Улукбек Марипов учурда чыгууга муктаж жарандар үчүн рейстерди уюштуруу боюнча сүйлөшүүлөр улантылып жатканын белгиледи.
«Авиакомпаниянын өкүлдөрү жакынкы күндөрү Джидда - Бишкек багыты боюнча рейстерди калыбына келтирүү ниетин билдиришти. Бирок, учуунун чоң аралыктыгынын себептүү отун менен байланышкан көйгөйлөр болушу мүмкүн экенин эскертти», - деп кошумчалады ал.
