Бишкектеги Иран элчилигинин алдында Иран элине колдоо көрсөтүү максатында митинг-реквием өттү. Иш-чарага Кыргызстандан жарандык активисттер чогулуп, АКШ жана Израилдин аскердик агрессиясынын курмандыктарынын эскерүүсүнө катышып, каза болгондордун үй-бүлөлөрүнө көңүл айтышты.
Акцияга болжол менен кырк адам катышты, алардын арасында чоңдор жана балдар болду.
Иш-чаранын уюштуручулары акциянын тынч жана гуманитардык мүнөздө экенин белгилешти, тынч калктын трагедиясына көңүл буруп, жабыркагандарга көңүл айтуу максатын көздөшкөн.
Эскертип кетели, 28-февралда Израиль жана АКШ Иранга каршы аскердик аракеттерди баштап, өлкөнүн шаарларына жана аскердик объекттерине масштабдуу аба соккуларын жана ракета чабуулдарын жасашкан. Бул аракеттерге жооп катары Тегеран Израильге жана Жакын Чыгыштагы бир нече өлкөлөрдөгү америкалык базаларга сокку урган.
Бул аба соккуларынын натыйжасында Ирандын жогорку лидери аятолла Али Хаменеи, ошондой эле ондон ашуун жогорку даражадагы ирандык чиновниктер жана аскер кызматкерлери каза болушту.
