Нарын районунда азык-түлүк ярмаркасы өтүп, товарлар жеткиликтүү баада сатылды. Кыргыз Республикасынын Су ресурстары, айыл чарба жана кайра иштетүү өнөр жайы министрлиги бул тууралуу маалымдады.
Ведомствонун маалыматына ылайык, ярмаркада жылкы жана кой эти 1 килограммы 650 сомдон, ал эми сиыр эти 1 килограммы 670 сомдон сунушталды.
Жергиликтүү фермерлер, эт азыктарын өндүрүүчүлөр жана кайра иштетүүчү ишканалар иш-чарага активдүү катышып, өз продукцияларын түздөн-түз делдалдарсыз сатууга мүмкүнчүлүк алышты.
Бул ярмарканын форматы жергиликтүү өндүрүүчүлөрдү колдоого жардам берет жана сатып алуучулар үчүн бааларды жеткиликтүү кылат.
