Кыргыз Республикасынын Ички иштер министрлиги мессенджерлер жана социалдык тармактар аркылуу тарап жаткан коммуналдык кызматкерлер катары өздөрүн көрсөтүп жаткан кылмыштуу топтордун бардыгы тууралуу маалыматты четке какты.
Ведомствонун өкүлдөрүнүн айтымында, мындай билдирүүлөр чындыкка дал келбейт жана ойлоп табылган. Ички иштер министрлиги бул боюнча эч кандай расмий билдирүү жасаган эмес.
Жарандарга тынчтыкты сактоону жана текшерилген маалымат булактарына гана таянууну сунушташат.
Мындан тышкары, министрлик жалган жана туура эмес маалыматтарды таратуу өлкөнүн мыйзамдарына ылайык кылмыш жоопкерчилигин жаратат деп эскертет.
Ички иштер министрлиги мындай билдирүүлөрдү жибербөөгө жана министрликтин расмий маалымат каналдарына гана кайрылууга чакырат.
