Энергетика министри Таалайбек Ибраев Иссык-Куль облустуна жумушчу сапарынын алкагында региондун энергетикалык инфраструктурасынын абалы менен таанышып чыкты. Ал 220/110/24 кВ «Тамга» подстанциясына барып, жогорку вольттуу электр өткөргүч линияларынын ишин, ошондой эле автоматташтыруу жана релейдик коргоо системасын баалады. Сапар учурунда министр подстанциянын кызматкерлери менен сүйлөшүп, алардын сунуштарын жана көйгөйлөрүн угуп чыкты.
Жолугушуунун жыйынтыгы боюнча министр айтылган маселелерди чечүүгө зарыл болгон колдоону көрсөтүүгө убада берди жана бир катар көрсөтмөлөрдү берди. Айрыкча, ал жогорку вольттуу линиялар жана релейдик коргоо бригадаларын кызматтык транспорт менен камсыздоону тапшырды.
Ошондой эле кызматкерлер иштеген административдик имаратты реконструкциялоону жүргүзүү зарылдыгы белгиленди.
Мындан тышкары, Тамгадан Караколго чейин 220 кВ жогорку вольттуу линиянын курулуш долбоору талкууланды, анын алкагында «Тамга» подстанциясын кеңейтүү, кызматкерлер үчүн атайын техникаларды сатып алуу жана административдик имараттын чатырында күн панелдерин орнотуу пландалууда.
