Бул маалымат 27-февралда Жогорку соттун төрагасы Медербек Сатыев жана Ош облустук сотунун төрагасы Эрлан Асанов катышкан жыйында айтылды.
Асановдун айтымында, жалпы иштин 42 422си каралган. Салыштыруу үчүн, 2024-жылы облуска 39 734 иш келип түшкөн. Демек, быйыл өткөн жылга салыштырмалуу 6 136 ишке көбөйүү байкалууда.
Медербек Сатыев сот адилеттигинин сапаты судьялардын кесипкөйлүк деңгээлинен, алардын жоопкерчилигинен жана мыйзам нормаларын туруктуу колдонуу жөндөмдүүлүгүнөн түздөн-түз көз каранды экенин баса белгиледи.
Жыйында шаардык жана райондук соттор тарабынан укук бузууларды жоюу боюнча 86 жеке чечим чыгарылганы тууралуу маалымат берилди.
Мындан тышкары, жыйындын катышуучуларына сот системасын санариптештирүү жана сот отурумдарын түз эфир форматында уюштуруу боюнча демилгелерди иштеп чыгуу тапшырмасы берилди. Жыйындын натыйжасында жогорку жыйынтыктарга жетишкен судьялар белгиленди жана алардын тажрыйбасын бөлүшүү жана башка соттордо мыкты практикаларды киргизүү зарылдыгы айтылды.
