Ирандагы кырдаал боюнча эл аралык авиакаттамдардын расписаниесинде өзгөрүүлөр болду.
2026-жылдын 1-мартынан баштап Бишкек – Дубай жана Бишкек – Шарджа багытындагы каттамдар, «Манас» эл аралык аэропортунан учуп чыгат, убактылуу токтотулат.
Аэропорттун маалыматына ылайык, бул чечим учуу коопсуздугун камсыздоо жана авиакомпаниялардын маршруттарындагы өзгөрүүлөргө жооп катары кабыл алынган.
Каттамдары токтотулган жүргүнчүлөргө авиакомпания менен же билет сатып алынган жер менен байланышып, маалыматты тактоо, ошондой эле акчаны кайтаруу же учууну башка күндөргө жылдыруу маселелерин чечүү сунушталат.
«Манас» эл аралык аэропорту кадимки режимде ишин улантууда. Расписаниедеги мүмкүн болгон өзгөрүүлөр тууралуу кошумча маалымат кийинчерээк берилет.
