Ал ошондой эле калктын болжол менен 25%ы дагы камсыздандыруу полисин албаганын белгиледи.
Санжар Исаев кошумчалады: «Биз түшүндүрүү иштерин улантып жатабыз жана бул көрсөткүчтөрдүн өсүшүнө үмүттөнөбүз. Мисалы, Азербайжанда калкты камсыздандыруу деңгээли 100%ды түзөт, биз да ушундай натыйжаларга жетүүнү көздөп жатабыз. Бул өлкөдөгү камсыздандыруунун баасы жылына болжол менен 50 долларды түзөт».
Кыргызстанда айрым жарандар автоматтык түрдө камсыздандырылган деп эсептелет жана ОМС полисин сатып алууга милдеттүү эмес. Алардын катарына:
18 жашка чейинки балдар, күндүзгү формада окуган студенттер, пенсионерлер, аскер кызматкерлер жана мамлекеттик жөлөк пулдарды алган адамдар кирет.
«Мындай жарандардын тизмелери ар ай сайын жаңыртылып турат, ал эми Каржы министрлиги милдеттүү медициналык камсыздандыруу фондунун бюджетине каражаттарды компенсациялайт. 2025-жылдын башынан бери бул сумма жылына 600 сомду түзөт, ал эми 2026-жылы 900 сомго көбөйтүү пландалууда. Эмгек берүүчүлөрдөн төлөмдөрү жок калган жарандар, өз алдынча иштегендер жана башкалар ОМС полисин өздөрү сатып алууга милдеттүү, анын баасы жылына 1 миң 840 сомду түзөт. Чет өлкөлүк жарандар үчүн бул сумма 11 миң 910 сомго барабар, бирок алар алты айлык полис менен пайдаланууга укуктуу», — деп түшүндүрдү Исаев.
ОМС полисин интернет аркылуу төлөөгө болот. Электрондук камсыздандыруу мамлекеттик медициналык жардам көрсөтүү программасынын алкагында ар түрдүү медициналык кызматтарды алууга мүмкүнчүлүк берет.
Камсыздандыруу статусун текшерүү үчүн «Тундук» тиркемесин колдонсо болот.
Бардык жарандар камсыздандыруу бар же жок экенине карабастан, тез жардам алууга укуктуу.
«ОМС полисинин жоктугунда да, ар бир жаран медициналык клиникада минималдуу медициналык кызматтар пакетин алууга укуктуу, эгер ал Үй-бүлөлүк медицина борборунда катталган болсо. Бул консультация алуу жана дарылоо дайындоону камсыз кылат», — деп кошумчалады Санжар Исаев.
Анткен менен, пландалган ооруканага жаткырылган учурда полис жоктугу медициналык кызматтардын толук төлөнүшүн талап кылат.
