Анын айтымында, турак жай курулушунун негизги бөлүгү Бишкек жана Чүй облусунда топтолгон, бирок Ош, Жалал-Абад, Талас, Ысык-Көл жана Баткен облустарында да иштер жүргүзүлүүдө. ГИКка бөлүнгөн бюджеттик каражаттар түндүк жана түштүк региондор арасында бирдей бөлүштүрүлөт. Өткөн жылы бул максаттар үчүн $400 миллион бөлүнгөн — өлкөнүн ар бир бөлүгүнө $200 миллиондон. Бул жылы бул сумма дагы $400 миллионду түзөт. 2026-жылдын аягына чейин болжол менен 20 миң үй-бүлө жаңы батирлердин ээлери боло алат", - деп кошумчалады мамлекет башчысы.
