Рейд райондук ички иштер бөлүмүнүн кызматкерлери тарабынан уюштурулган. Иш-чаранын жүрүшүндө ыйык Рамазан айында жаш өспүрүмдөрдүн коопсуздугуна өзгөчө көңүл бурулду. Полиция кызматкерлери кечки убакта чоңдордун коштоосуз таравих намаздарын окуган же «Жарамазан» ырларына катышкан жаш өспүрүмдөрдү аныктоого аракет кылышты.
Бул иш-чаралардын негизги максаты жаштардын укуктук маалыматын жогорулатуу, өспүрүмдөрдүн кылмыштуулугун жоюу жана укук бузуулар үчүн кесепеттерди түшүндүрүү болду.
Рейддин алкагында жаштардын көп чогулган бир катар жерлери, мисалы, борбордук жана чет жактагы көчөлөр, парктар, скверлер, спорт аянтчалары, ошондой эле компьютер клубдары көзөмөлгө алынды.
Өткөрүлгөн иш-чаралардын натыйжасында түнкү убакта мыйзамдуу өкүлдөрсүз көчөдө жүргөн 10 жаш өспүрүм катталган. Бул жаш өспүрүмдөрдүн ата-энелерине жана жакын туугандарына протоколдор түзүлүп, укук бузуулар кодексине ылайык административдик айыппулдар дайындалды. Ошондой эле, түнкү убакта балдардын көчөдө болушунын жоопкерчилиги жөнүндө мыйзамдуу өкүлдөр менен профилактикалык сүйлөшүүлөр өткөрүлдү.
