Ведомствонун маалыматына ылайык, жаңы аэровокзалдын аянты 26 миң квадрат метрди түзөт, ал эми имарат алты блоктон турат. Анын курулушу 2025-жылдын 25-апрелинде башталган.
Учурда монолиттик иштер 95%га аяктаган. Имараттын жер астындагы бөлүгүндө инженердик системаларды, анын ичинде электр камсыздоо, желдетүү, канализация, суу камсыздоо жана өрт суу түтүктөрүн монтаждоо иштеринин 80%ы аткарылган. Бирок биринчи кабаттагы иштер убактылуу токтотулган, анткени долбоордук-сметалык документацияга өзгөртүүлөрдү киргизүү зарылдыгы бар.
Министр курулушту тез жана сапаттуу аяктоонун маанилүүлүгүн, ошондой эле долбоордук документтерге оперативдүү өзгөртүүлөрдү киргизүү жана жумушчулардын санын көбөйтүү аркылуу иштердин темпин тездетүүнүн зарылдыгын белгиледи, деп билдирди басма сөз кызматы.
Учурда курулушта болжол менен 120 жумушчу иштеп жатат, бирок бул санды эки эсе көбөйтүү пландалууда.
