Мурдагы комитет төрагалары кызматтан кетишкен.
Бүгүн Жогорку Кенештин жыйынында депутаттар эки комитеттин жаңы төрагаларынын дайындалышы боюнча маселени талкуулашты: Эмгек, саламаттыкты сактоо, аялдар жана социалдык маселелер боюнча комитет, ошондой эле Сот-укуктук маселелер, укук тартиби, кылмыштуулукка каршы күрөшүү жана коррупцияга каршы аракеттенүү боюнча комитет.
Ала-Тоо депутаттар тобу Эмгек, саламаттыкты сактоо, аялдар жана социалдык маселелер боюнча комитеттин төрагалыгына Гулкан Молдобекованы, сот-укуктук маселелер боюнча комитеттин төрагалыгына Суйунбек Омурзаковду сунушташты.
Ал эми Адилет Кыргызстан депутаттар тобу сот-укуктук маселелер боюнча комитеттин орун басар төрагалыгына Жылдыз Курманалиеваны көрсөттү.
Жашыруун добуш берүүнүн жыйынтыгы менен Суйунбек Омурзаков сот-укуктук маселелер боюнча комитеттин төрагасы болуп шайланды, ал эми Жылдыз Курманалиева ушул комитеттин орун басар төрагасы болуп дайындалды.
Мындан тышкары, Гулкан Молдобекова Эмгек, саламаттыкты сактоо, аялдар жана социалдык маселелер боюнча комитеттин төрагасы болуп шайланды.
сүрөт www
