Гулназ бул иш-чаранын 15-рет өткөрүлүп жатканын жана жакшы салтка айланганын белгиледи. «Ар жылы, Ата Мекенди коргоочулардын күнү алдында, биз «Апамдын наны» акциясын уюштурабыз. Райондук кеңештен 50дөн ашык аял бул иш-чараны даярдоого катышат. Бул күнү энелер камыр жасап, нан жана боорсок бышырат, ошондой эле аскерлер үчүн ар кандай үй тамактарын даярдашат. Алардын кээ бири өз үйүндө даярдалган май жана курут алып келишет. Бул акция биздин өлкөнүн чек арасын коргоп жаткан аскерлерге үйдүн жылуулугун сезүүгө жардам берет. Ошондой эле, иш-чаранын алкагында аялдар аскер кызматкерлерине концерттик программа даярдашты», - деди ал.
Ала-Бука аймагында беш чек ара заставасы, бир бөлүк жана Коргоо министрлигинин аскер бөлүгү жайгашкан.
