Тергөөнүн жыйынтыгы боюнча, Ленин районуна К. Ж. аттуу жаран кайрылып, ага тааныш эмес А. аттуу адам 2024-жылдын октябрь айында ишенимин жеңип, KERNAN маркасындагы электромобилди жеткирип берүүгө убада бергенин билдирген. Бул келишимдин шылтоосу менен ал К. Ж.дан $25 миң алган. Бирок убада кылынган мөөнөттө унаа жеткирилген жок, ал эми алдамчы изин жашырып кетти.
Оперативдүү-издөө иш-чараларынын натыйжасында 1984-жылы туулган Б. А. кармалды. Ал тергөө кызматына жеткирилди жана Кыргыз Республикасынын Кылмыш-процессуалдык кодексинин 96-беренесине ылайык Бишкектин ГУВДсынын убактылуу кармоо жайына жайгаштырылды.
Бул иш боюнча тергөө уланууда.
