Баткен райондук эмгек, социалдык камсыздоо жана миграция башкармалыгынын начальниги Алмазбек Эрмамат уулунун маалыматына ылайык, учурда кризистик абалдагы үй-бүлөлөрдү жана балдарды аныктоо үчүн үйлөрдү кыдыруу улантылууда.
«Учурда биз Баткен районунун ар бир айыл өкмөтүндө жана айылында текшерүүлөрдү жүргүзүп жатабыз. Аныкталган үй-бүлөлөрдүн жашоо шарттары менен таанышып жатабыз. Жашы жете элек балдардын укуктарын коргоого, алардын коопсуздугуна жана керектүү социалдык жардамды көрсөтүүгө өзгөчө көңүл бурулууда. Ошондой эле жергиликтүү бийлик менен материалдык жардам көрсөтүү боюнча сүйлөшүүлөрдү жүргүзүп жатабыз», - деп белгиледи ал.
