«Гарантиялык фонд» ААКсынын басма сөз кызматынан билдиришкендей, 2026-жылдын башынан бери 45 үй-бүлө «Келечек» ипотекалык продуктынын жардамы менен өзүнүн турак жайын сатып алууга жетишти. 2026-жылдын 24-февралына карата, бул продукт ишке киргенден бери 150 кепилдик берилген, алардын жалпы суммасы 188,8 миллион сомдон ашты. Бул жарандарга 748,1 миллион сомдон ашык ипотекалык кредиттерди алууга мүмкүнчүлүк берди.
«Келечек» продукты баштапкы төлөмдү төлөдө кыйынчылыктарга туш болгон жарандарды колдоо үчүн маанилүү инструмент болуп калды.
«Келечек» ипотекалык кепилдикти алты өнөктөш банкта: ААК «Айыл Банк», ААК «Элдик Банк», ААК «МБанк», ААК «Дос-Кредобанк», ЖАК «Коммерциялык Банк КСБ» жана ЖАК «Демир Кыргыз Интернэшнл Банк» алууга болот.
«Келечек» программасынын негизги шарттары:
- кеминде 12 айлык үзгүлтүксүз эмгек стажы же ишкердик иши;
- ипотекалык финансылоо үчүн максималдуу сумма — 10 миллион сомго чейин;
- кепилдик камсыздоо — сатып алынган турак жайдын баасынын 30 % чейин;
- комиссия кепилдик суммадан 2 % түзөт.
Гарантиялык фонддун колдоосу менен жарандар турак жай шарттарын жакшыртып, турак жайдын ээсине айланууга мүмкүнчүлүк алышат.
