Бишкекте Мамлекеттик салык кызматы (МСК) рейддерди өткөрүп, акциздик маркалары жок алкоголь продукцияларын сактоо жана сатуу фактыларын аныктады. Бул тууралуу МСКнын басма сөз кызматы маалымдады.
«Чунцин Хого» ЖЧКсына таандык соода объектиси боюнча 160 даана кытай өндүрүшү болгон алкоголь продукциясы, ошондой эле спирттик жыты бар 405 литр суюктук жана 124 даана кант камтыган ичимдик табылды.
«Чыгыштын тандоосу» деп аталган башка дүкөндө акциздик маркалары жок 248 даана алкоголь продукциясы, 7 энергетикалык ичимдик жана 266 пакет сок табылды.
Жыйналган маалыматтардын негизинде тиешелүү салык контролунун актылары түзүлүп, Кыргыз Республикасынын мыйзамдарына ылайык зарыл чаралар көрүлөт.
Мамлекеттик салык кызматы акциздик маркалары жок акциздик продукцияларды сатуу салык мыйзамдарын бузуу болуп эсептелерин жана Кыргызстандын мыйзамдарына ылайык юридикалык жоопкерчиликке алып келиши мүмкүн экенин эскертет.
