Жалал-Абад облусунун ТЖБ башкармалыгы мындай чаралар лавина коркунучу жогору болгон аймактарда кабыл алынып жатканын билдирди.
«Кар массаларын түшүрүү иштери 198-километрден 255-километрге чейинки аралыкта, Жалал-Абад облусунун аймагында жүргүзүлөт. Бул үчүн Кыргызстандын Коргоо министрлигинин атайын артиллериялык күчтөрү, ошондой эле ТЖБ кызматкерлери, гидрометеорология кызматы, жол патрулдук кызматы жана тез жардам кызматкерлери тартылган. Белгиленген даталарда жол убактылуу жабылып турат», — деп билдиришти ведомстводон.
Мындан тышкары, ТЖБ өлкөнүн тоолуу аймактарында, анын ичинде Бишкек—Ош, Мырзаке—Кара-Кулжа—Алайкуу, Ала-Бука—Каныш-Кыя, Красная горка—Акташ, Сары-Таш—Дароот-Коргон—Карамык, Бишкек—Нарын—Торугарт, Арал—Мин-Куш, Арал—Суусамыр, Балыкчы—Казарман—Жалал-Абад жана Каракол—Энилчек автожолдорунда лавиналардын түшүү мүмкүнчүлүгү тууралуу эскертти.
