Иш-чарада бала бакча билим берүү башкармалыгынын башчысы Нурзида Касымова катышып, бала бакча жана баштапкы кесиптик билим берүү боюнча өнөктөштүктү кеңейтүүнүн маанилүүлүгүн белгиледи. Ал тажрыйба алмашууну өнүктүрүүнү, биргелешкен билим берүү инициативаларын ишке ашырууну жана кадрларды даярдоону күчөтүүнү сунуштады.
Кол коюлган келишим академиялык кызматташтыкты өнүктүрүүгө, эл аралык байланыштарды бекемдөөгө жана илим менен билим берүү тармагында өз ара аракеттенүүгө багытталган. Анын алкагында биргелешкен билим берүү программаларын ишке ашыруу, студенттер жана окутуучулар үчүн академиялык мобилдүүлүктү уюштуруу, ошондой эле бала бакча билим берүү жана маданий иш-чаралар боюнча илимий изилдөөлөрдү өткөрүү пландалууда.
Мындан тышкары, корей тилин үйрөнүү үчүн окуу борборлорун ачуу мүмкүнчүлүгү талкууланууда.
