Министр техникалык-экономикалык негиздеме аяктаганын жана экологиялык коргоо маселелери боюнча жыйынтык даярдалганын белгиледи.
"Проект үч өлкөнүн кызматташтыгы менен ишке ашырылууда. Өзбекстан өзүнүн пикирлерин жана сунуштарын берди. Казакстан өз сунуштарын бергенден кийин, жумушчу топтордун жыйыны өтөт. Дүйнөлүк банк өкмөттөр аралык келишимди апрель айына чейин аяктоо тапшырмасын койду", - деп кошумчалады Ибраев.
Ал ошондой эле Брюссельде 11 эл аралык донор менен сүйлөшүүлөр болгонун, алар Кыргызстанга $2,6 миллиард бөлүүгө даяр экенин билдирди.
"Каржылоо Казакстан жана Өзбекстан менен келишимге кол коюлгандан кийин жеткиликтүү болот", - деп жыйынтыктады министр.
