Ал Тору-Айгыр айылында жаңы суу камсыздоо системасын түзүү боюнча иштер аяктаганын тактады.
«Учурда 120 айылда курулуш иштеринин жүрүп жатканы маалым. 229 айыл үчүн долбоордук-сметалык документация даярдалып жатат, анын 27си үчүн тендерлер жарыяланды. Ошондой эле 177 айылда техникалык-экономикалык негиздеме даярдалууда. Жылдын аягына чейин 70 айылда жана үч шаарда курулуш иштеринин аякташы күтүлүүдө, бул 200 миң жаранга таза сууга жетүүнү камсыз кылат», — деди Керималиев.
Ал 2021-жылдан бери суу камсыздоо тармагына 560 миллион доллардан ашык инвестиция салынганын, анын ичинен 55 миллион доллардан ашыгы мамлекеттик бюджеттен келгенин кошумчалады.
«Бул инвестициялар 2020-2025-жылдар аралыгында 25 шаарда жана 601 айылда ичүүчү суу менен камсыздоо иштерин жүргүзүүгө мүмкүнчүлүк берди. 194 айылда суу камсыздоо системалары эксплуатацияга берилди», — деп баса белгиледи чиновник.
Өткөн жылы, Минводсельпромдун ичүүчү суу камсыздоо жана канализацияны өнүктүрүү департаменти аркылуу бюджеттен финансылык колдоо көрсөтүү менен 40 айыл ичүүчү суу менен камсыздалды, бул 75 миң адамга таза сууга жетүүнү камсыз кылды. Биз бул тармакта абалды жакшыртуу үчүн донорлор менен кызматташтырууну улантуудабыз», — деп кошумчалады ал.
