2026-жылдын 23-февралында Кыргыз Республикасынын Коргоо министрлигинде Ата Мекенди коргоочулардын күнү менен байланыштуу митинг өттү, ага башкаруу органдарынын аскер кызматкерлери катышты.
Коргоо министри, генерал-майор Руслан Мукамбетов сөз сүйлөп, мамлекет аскер кызматкерлеринин социалдык камсыздоосун камсыздоо үчүн чоң күч-аракет жумшап жатканын белгиледи. «Биз турак-жай менен камсыздоо, заманбап аскер шаарчаларын куруу жана аскер кызматкерлерибиздин статусун жакшыртуу боюнча иштерди уланта беребиз», - деди ал.
Иш-чаранын соңунда «Кыргыз Республикасынын Коргоо министрлигинин жеке курамынына сыйлык берүү жөнүндө» буйрук окулуп, министрдин атынан эң мыкты аскер кызматкерлерине медалдар жана грамоталар тапшырылды.
