Бул маалыматты Баткен согушунун ардагерлер кеңешинин төрагасы Болот Жайлообаев билдирди.
Жайлообаевдин айтымында, бул иш-чаралардын максаты — окуучулар арасында патриотизмди тарбиялоо. Аларга аскердик кызмат жана курал-жарак тууралуу маалымат берилет.
«Азыркы жаштар аскердик кызматка кызыгуу көрсөтпөй жатат. Биз, улуу муундун өкүлдөрү, туура жолду көрсөтүүгө аракет кылып, жаштарды патриот болууга чакырабыз. Мектептерде баштапкы аскердик даярдык курсу бар, бирок практикалык окуу куралдары жетишпейт. Аскер комиссариаты менен биргеликте 9–11-класстын окуучуларына куралдардын үлгүлөрүн көрсөтүп, армиядагы кызмат тууралуу айтып беребиз. Бүгүнкү күндө алты мектепти кыдырдык. Практикалык сабактардан кийин балдардын аскердик кызматка болгон көз караштары өзгөрүп жатканы кубандырат. Биздин максат — Кыргызстан жарандарынын баары патриот болуп, элди жана жерди көздүн карегиндей коргоосу», - деди Б. Жайлообаев.
