Бул экспозиция, кылымдар бою ар кандай маданияттар, цивилизациялар, соода жолдору жана диндер үчүн маанилүү кесилиш болгон региондогу маданий-тарыхый процесстерге арналат, деп билдиришти китепкананын маркетинг бөлүмүнөн.
Көргөзмөнүн негизги максаты — Ортолук Азиянын дүйнөлүк маданиятка жана прогресске кошкон цивилизациялық салымын, ошондой эле билим жана технологияларды алмашууну көрсөтүү. Регион Бактрия мамлекетинин, Парфян империясынын, Кушан мамлекетинин, Хорезм жана Согдиянын, Сельджук империясынын, Караханиддер жана Газневиддер мамлекеттеринин, ошондой эле Бухара эмиратын жана Хива хандыгын камтыган көптөгөн улуу цивилизациялардын мекени болгон. Мындан тышкары, бул регион аркылуу Улуу Жибек жолу өтүп, Чыгыш менен Батыштын маданий алмашуусу үчүн маанилүү артерия болуп саналат, деп белгиленет билдирүүдө.
