Табигый ресурстар, экология жана техникалык көзөмөл министрлиги автотранспорттун чыгарган зыяндуу заттарын көзөмөлдөө максатында текшерүү жүргүздү.
Ведомствонун маалыматы боюнча, Бишкек шаардык патруль кызматкерлеринин катышуусунда Бишкек регионалдык экологиялык жана техникалык көзөмөл кызматынын инспекторлору экологиялык нормаларды бузган унааларды аныктоо үчүн рейд өткөрүштү.
Текшерүүнүн натыйжасында үч унаадан булгануу заттарынын чыгарылышынын уруксат берилген деңгээлинен 50 пайыздан ашык жогору экендиги аныкталды.
Кыргыз Республикасынын «Жоруктар жөнүндө» Кодексинин 234-беренесине ылайык, айдоочуларга үч протокол түзүлдү.
Жалпы салынган айыппулдардын суммасы 22 500 сомду түздү.
Ошондой эле, ушул сыяктуу иш-чаралар абанын сапатын жакшыртуу жана борбордогу булгануу деңгээлин төмөндөтүү максатында үзгүлтүксүз өткөрүлүп турат. ```
