АКШнын Транспорт министрлигинин жана Автомобилдердин коопсуздугун камсыздоо федералдык администрациясынын маалыматы боюнча, CDL алуу же узартуу укугу негизинен төмөнкү жарандык категорияларга берилет:
- АКШ жарандары;
- «грин-карт» ээси (туруктуу мыйзамдуу жашоочулар);
- иш визасы менен мыйзамдуу негизде өлкөдө болгон чет элдиктер;
Эскерте кетүүчү нерсе, жумушка уруксат (EAD) жана социалдык камсыздандыруу номери (SSN) CDL алуу же узартуу үчүн жетиштүү шарт эмес. Ошондой эле, федералдык органдар тарабынан таанылган тиешелүү иммиграциялык статус болушу керек.
Кыргыз Республикасынын Тышкы иштер министрлиги жарандарга тиешелүү мамлекеттик органдарда талаптарды алдын ала тактоону, керектүү документтердин мөөнөттөрүн көзөмөлдөөнү жана федералдык мыйзамдардагы мүмкүн болгон өзгөртүүлөрдү эске алууну катуу сунуштайт.
