Бул тууралуу Талас облусунун ИИБнин маалымат кызматынан билдиришти.
Маалыматка ылайык, рейддердин жүрүшүндө түнкү убакытта ата-энелеринин же мыйзамдуу өкүлдөрүнүн коштоосуз жүргөн 17 жашы жете элек бала аныкталды. Алардын ата-энелерине Кыргыз Республикасынын укук бузуулар жөнүндө кодексинин 74-беренесине ылайык протоколдор түзүлдү, анда «Балдардын ден соолугуна зыян келтирбөө боюнча чараларды камсыз кылуу жөнүндө мыйзам талаптарын бузуу» деп жазылган. Түшүндүрүү иштерин жүргүзүп, ата-энелерге мыйзам талаптарын эскертишти.
«Иш-чаралардын максаты — жаш өспүрүмдөр арасында укук бузууларды жана кылмыштуулукту алдын алуу, ошондой эле түнкү убакытта ата-энелердин көзөмөлүнсүз жүргөн өспүрүмдөрдү аныктоо.
Мындай рейддик иш-чаралар келечекте жаш өспүрүмдөрдүн коопсуздугун камсыз кылуу жана укук бузууларды алдын алуу максатында улантылат», - деп айтылат маалыматта.
