Талкуу учурунда катышуучулар билим берүү жана илим тармагындагы кызматташтык маселелерин, ошондой эле Erasmus+ программасын улантууну талкуулашты.
Кендирбаева европалык тараптын өкүлдөрүнө колдоосу үчүн ыраазычылык билдирди. Учурда Билим берүү министрлиги «Кыргызстандын билим берүү секторунда реформаларды жүргүзүү боюнча контракт» деп аталган Европа Союзунун бюджеттик колдоо программасы боюнча иш алып барууда.
Бул демилге өлкөнүн билим берүү системасын комплекстүү модернизациялоого, туруктуу финансирлөөгө, окутуу процессин цифрлаштырууга, инклюзивдүү чөйрөнү түзүүгө жана Twinning долбоорунун алкагында алдыңкы европалык тажрыйбаны киргизүүгө багытталган.
