Нурали кичинекей кезинен бери ушул музыкалык аспапка кызыгып, улуттук маданияттын байлыгын дүйнөгө бөлүшүүнү кыялданат.
«Мен комузда ойноп баштаганымдан бери жети жыл болду. Бул убакыт ичинде көптөгөн конкурстарга катышып, бир нече сыйлыктарды жеңип алдым жана баалуу тажрыйба топтодум. Өткөн жылы мен окуумду ийгиликтүү аяктап, диплом алдым. Азыркы учурда билимимди улантып жатам. Комуздун жардамы менен, үмүттөнөм, жакында Түркияга барып келем, анткени комуз ал жерде жогору бааланат. Түрүктөр биз, кыргыздар, анын сактоочулары экендигибизди билишет жана бизге урмат менен мамиле кылышат», — деди жаш музыкант.
Нурали ар кандай конкурстарда өзүн көрсөтүүгө жетишти, анын маанилүү жетишкендиктеринин бири чопо чоору категориясындагы сыйлык болду. Азыркы учурда ал «Достук шаңы» эл аралык конкурстуна катышып, өзүнүн жөндөмдөрүн көрсөтүүдө.
«Комуз биз үчүн — бул жөн гана музыкалык аспап эмес. «Кыргыз» деген сөз айтылса, биринчи кезекте Манас ата, андан кийин комуз ассоциацияланат. Ал биздин элдин символу болуп калды. Тек гана комузда ойноп көргөн адам анын терең маанисин жана руханий күчүн түшүнөт», — деди ал.
Комузда ойноп үйрөнүү анын үй-бүлөсүнүн жашоосунун маанилүү бөлүгү: атасы жана Нуралинин көптөгөн туугандары да ушул аспапта ойноп, музыкага болгон кызыгуусун арттырышты.
«Балалык кезде мен «Манас» эпосунан үзүндүлөрдү айтып, күрөш боюнча мелдештерге жана арифметика боюнча конкурстарга катышчумун. Мындан тышкары, мен кыл кыяк жана фортепиано ойноп үйрөнгөм, азыр болсо гитараны үйрөнүп жатам. Учурда 40тан ашык мелодияны билем. Сценада негизгиси — тынчтыкты сактоо, болбосо адашып кетиши мүмкүн», — деп кошумчалады ал.
Үй-бүлөнүн колдоосу Нуралинин жетишкендиктеринде маанилүү роль ойнойт. Ал ошондой эле өзүнүн жетекчиси Назгүл Жөлөгөновага эмгеги жана ишеними үчүн ыраазычылык билдирди.
Азыр Нурали Карыбек уулу Акматаалы атындагы орто мектептин 8-классына окуйт жана комузду даңазалоону, кыргыз мадиятын дүйнөгө таанытууну пландап жатат.
