Түгөйбековдун белгилөөсү боюнча, Октябрьское жана Сафаровка айылдарын кайра аталышына байланыштуу сунуш жергиликтүү тургундар тарабынан элдик жыйындарда сунушталган жана протоколго катталган. «Тургундар менен болгон жолугушууларда, анын ичинде бюджеттик угуу жана элдик жыйындарда, бул айылдардын атын өзгөртүү боюнча сунуштар түшүп жатты. Бул кайрылуу талкууланып, сессияга чыгарылды. Айыл тургундары совет мезгилинде Октябрьское айылында «Дружба» совхозу жайгашканын айтып, тарыхый аталышты сактап калууну сунушташты, кыргызчага которуп — Достук деп аташкан. Сафаровка айылында жашаган тургундар өз айылдарын Жаңы-Күч (Жаңы күч) деп аташуу сунушун беришти. Айылдык кеңештин депутаттары бул демилгени колдошту. Эми жергиликтүү кеңештин чечими районго, андан кийин облуска жана акыры Жогорку Кеңешке жөнөтүлөт», — деп кошумчалады айыльдык аймактын башчысы.
Багыш айыльдык аймагында 31 884 адам жашайт.
Айылдын атын өзгөртүү процедурасы төмөнкү этаптарды камтыйт:
- демилге жергиликтүү тургундардан, айыл өкмөтүнөн же жергиликтүү кеңештен келип чыгышы мүмкүн, ал адатта элдик жыйындарда же коомдук угууда талкууланат, ал эми көпчүлүктүн пикири протоколго жазылат.
- андан кийин айылдык кеңештин депутаттарынын чечими чыгат.
- айылдык же шаардык кеңеш расмий токтом кабыл алып, сунушту жогорку деңгээлге жиберет.
- андан соң райондук же облустук деңгээлде каралат.
- документтер райондук жана облустук мамлекеттик администрациялар аркылуу макулдашуу этаптарынан өтөт.
- Министрлер Кабинетине сунуш киргизилет, анда аталышты өзгөртүү үчүн тарыхый, тилдик жана юридикалык негиздер каралат.
- Жогорку Кеңештин чечими, анда депутаттар аны мыйзам же токтом катары бекитишет.
- андан кийин документтер президенттин кароосуна жөнөтүлөт. Президент тарабынан бекитилген учурда тиешелүү мыйзамга кол коюлат. Чечим расмий жарыяланганга чейин юридикалык күчкө ээ болбойт.
Кыргызстанда төрт айыльдык аймак жана 13 айылдын атын өзгөртүү боюнча чечим 2025-жылы кабыл алынган.
Мындан тышкары, Иссык-Ата районунда жергиликтүү тургундар Дмитриевка айылын Эсиркемиш деп кайра аталышын сунушташкан, бул активдүү талкууларды жараткан.
Объектилер
Спутник
⛶
