Ведомствонун маалымат кызматына ылайык, 2026-жылы сатып алуулардын бир бөлүгү БУУ системасынын уюмдары тарабынан сунушталган механизмдер аркылуу жүргүзүлөт. Жакынкы арада өндүрүүчүлөрдөн 30га жакын дары-дармек жана медициналык буюмдарды сатып алуу пландалууда.
Бул жаңы моделдин максаты - ортомчууларды четтетүү, продукциянын эл аралык сапат стандарттарына, анын ичинде Дүйнөлүк саламаттык сактоо уюмунун алдын ала квалификациясына ылайык келүүсүн камсыз кылуу, ошондой эле глобалдык сатып алуу механизмдерине катышуу аркылуу атаандаштык баа шарттарын түзүү.
Учурда контракттарды кол коюуга даярдык көрүлүүдө. Алдын ала баалоолорго ылайык, бул моделди ишке ашыруу 2025-жылга салыштырмалуу 410 миллион сомго жакын үнөмдөөгө мүмкүнчүлүк берет.
2026-жылга карата сатып алуу саясаты дары-дармек бааларын төмөндөтүүгө, алардын сапатын жана жеткирүүнүн туруктуулугун камсыз кылууга, ошондой эле бюджеттик каражаттарды пайдалануунун натыйжалуулугун жакшыртууга багытталат.
