Ал жолдордун абалын баалоо жүргүзүлгөнүн, кеңейтүүгө даярдык көрүү үчүн иш чаралар өткөрүлгөнүн белгиледи.
«Элдик жыйындарда биз да жолдордун кеңейиши тууралуу түшүндүрүү иштерин жүргүзгөнбүз. Жакын арада Алымбек-датка көчөсүндөгү кызыл сызыкта жайгашкан имараттарды бузуу иштери башталат», — деп кошумчалады мэр.
Мониторингдин жыйынтыктарына ылайык, 86 үйдүн участоктору, ошондой эле 16 турак жай жана 24 дүкөн бузулууга туш болот. Биз кызыл сызыкта жайгашкан үйлөргө байланыштуу мыйзамга ылайык аракет кылабыз.
Учурда жолдун туурасы 9 дан 12 метрге чейин, бирок төрт тилкелүү жол үчүн 24 метр талап кылынат. Ошондуктан, биз жолду 12 метрге чейин кеңейтүүнү, имараттарды тазалоону жана курулушка даярдоону пландап жатабыз. КРдин Транспорт жана байланыш министрлиги ирригация, жээк, жөө адамдар үчүн жолдор, жашыл зоналар жана жарыктандырууну камтыган долбоорду ишке ашырууну өзүнө алат», — деди Тажибаев.
